Հայտնել ենք Տավուշ մարզի Բերդի տարածաշրջանի սահմանամերձ Վերին Կարմիրաղբյուրի միջնակարգ դպրոցի տնօրենի ընտրության հետ կապված այդ դպրոցում եւ գյուղում տիրող լարված իրավիճակի մասին:
Այսօր`ապրիլի 6-ին, Վ. Կարմիրաղբյուրի միջնակարգ դպրոցում նշանակված էր դպրոցի տնօրենի թափուր պաշտոնի համար մրցույթ: Վ. Կարմիրաղբյուրից տեղեկացանք, որ մրցույթը չի կայացել, քվորում չի եղել, քանի որ մրցութային հանձնաժողովի 7 անդամներից 3-ը չեն ներկայացել: Վերջիններս մրցութային հանձնաժողովի նախագահ Ավագ Մխիթարյանին բացատրագրեր են ներկայացրել, որտեղ մրցութային հանձնաժողովի նախկին նախագահ Նունե Օհանյանի՝ որպես այդ հանձնաժողովի նախագահի լիազորությունները դադարեցնելը գնահատել են ճնշում մրցութային հանձնաժողովի վրա, քանի որ Ն. Օհանյանին դպրոցի մանկապատանեկան կոլեկտիվի կազմակերպչի պաշտոնից ազատելու հիմքերի օրինականությունը ներկայումս քննվում է:
Վ. Կարմիրաղբյուրի դպրոցի տնօրենի թափուր պաշտոնի համար մրցույթը նշանակվել է ապրիլի 12-ին:
Ոսկան ՍԱՐԳՍՅԱՆ
Դա նրանից է որ մարզի ղեկավարից սկսած բոլորն էլ ուզում են իրենց մարդուն նշանակել, որ թողեն գյուղացու ցանկությանը վաղուց գյուղը տնօրեն կունենար։
Վաչե Գաբրիելյանի հանձնարականը չկատարեց Տավուշի մարզպետ Հովիկ Աբովյանը, որովհետև հանձնարականում նշված էր մարզպետի կամքին հակառակ թեկնածուի անուն ազգանունը,հիմա երևի այս փուլում կփորձի ժամանակ ձգելով հաստատել իր ցանկությանը համապատասխան թեկնածուի անուն ազգանունը։ Այսպես էլ ապրում ենք, եթե նույնիսկ ներքևի օղակներում է տիրում անպատժելիության մթնոլորտ, ապա ինչ ենք ուզում մեր երկրի օրենսդիր և գործադիր մարմիններից կամ ինչպես կարող ենք զարգացած ու հզոր երկիր ունենալ։
Գիտեք ինչ, սովորել ենք ամեն ինչ ղեկավարի վրա գցել, մի քիչ էլ տեղում մտածեին իրենց դպրոցի մասին, մեկը մեկին զիջող լինեին, ոչ թե ամե մեկն իրենը առաջ տաներ, կոլեկտիվը բաժաներ երկու մասի ու գործը բարդացներ: Կրթական հաստատություն է վերջապես:
Հիմա կոլեկտիվը, որ երկու մասի է բաժանված ում երեսից է? իհարկե Տավուշի մարզպետ Հովիկ Աբովյանի…