Ապրիլի 6-ին ՀՖՖ շտաբ-բնակարանում կայացավ ՀՖՖ նախագահ Ռուբեն Հայրապետյանի և Հայաստանի ազգային հավաքականի գլխավոր մարզիչ Արթուր Պետրոսյանի հանդիպումը, որի ընթացքում քննարկվել են Հայաստանի ազգային հավաքականի մրցելույթները:
Քննարկման արդյունքում Արթուր Պետրոսյանը ներկայացրել է իր դիրքորոշումը և հիմնավորումները ստեղծված իրավիճակի վերաբերյալ: Նշվել է, որ Ազգերի Լիգայի մրցաշարին նախապատրաստվելու համար քիչ ժամանակ է մնացել, իսկ ազգային հավաքականին պետք են փոփոխություններ. Արթուր Պետրոսյանը հրաժարական է ներկայացրել, որն ընդունվել է Ռուբեն Հայրապետյանի կողմից:
ՀՖՖ նախագահ Ռուբեն Հայրապետյանը և Հայաստանի ազգային հավաքականի գլխավոր մարզիչ Արթուր Պետրոսյանը փոխադարձ շնորհակալություն են հայտնել համատեղ աշխատանքի համար:
Նոր գլխավոր մարզչի անունը հայտնի կդառնա մոտ օրերս:
ՀՖՖ
Հազիվ մի արժանապատիվ մարդ գտնվեց, որ իր աշխատանքում հաջողություն չգրանցելու համար հրաժարական տվեց: Գովելի քայլ է: Երանի թե ֆուտբոլի ֆեդերացիայի նախագահն էլ մի քիչ արժանապատվություն ունենար և ինքն էլ հրաժարական տար: Առաջին հերթին պետք է նա հրաժարական տար, որովհետև ամենաշատը ինքն է մարզիչին պարտադրում, որ էսինչ ֆուտբոլիստները հավաքականում պետք է չխաղան, էն մյուսները կարող են խաղալ և այլն: Ֆուտբոլի մասնագետ չլինելով, մասնագետ-մարզիչներին ֆուտբոլ է սովորեցնում: