ՅՈՒՆԵՍԿՕ-ի պահպանության ներքո գտնվող իտալական Սիենա քաղաքը ամենաշատ այցելվող զբոսաշրջային կենտրոններից է: Այն ժամանակին եղել է Սիենական հանրապետության մայրաքաղաքը եւ այսօր էլ աչք է շոյում իր միջնադարյան պալատներով ու փոքրիկ փողոցներով: Քաղաքի գլխավոր հրապարակում, որ խեցու տեսք ունի, տարվա մեջ երկու անգամ ներկայացվում է միջնադարյան ներկայացում՝ Պալիո տոնակատարությունը:
Սիենայի բնակչությունն ուղղակի փայփայում է այն ամենը, ինչն իտալական է, եւ երբեմն խանդով է վերաբերվում այլ երկրների արտադրանքին: Օրինակ՝ խանութների մուտքի մոտ տեղադրված էր այս ցուցանակը, որտեղ շեշտվում էր, որ ներսում սիենական արտադրանք է, նաեւ խաչ էր քաշված «Արտադրված է Չինաստանում» տողի վրա:
Լուսանկարը՝
ԳՈՀԱՐ ՀԱԿՈԲՅԱՆԻ
«Առավոտ»
04.04.2018
