«Եթե մեզ սպասվում է զրո արդյունք, դա Շարմազանովին պիտի ուրախացնի, բայց ես վերջին շրջանում նրա դեմքին ուրախության արտահայտություն չեմ տեսնում»,-այսպես արձագանքեց Նիկոլ Փաշինյանը՝ ՀՀԿ խոսնակ Էդուարդ Շարմազանովի հայտարարությանը, թե՝ «Քաղաքացիական պայմանագիր» կուսակցության առաջնորդ Նիկոլ Փաշինյանի նախաձեռնած «Իմ քայլը» նախաձեռնությունը «զրո արդյունք է տալու՝ քաղաքական տեսանկյունից»:
Հիշեցնենք, որ Նիկոլ Փաշինյանը ՔՊ մի շարք անդամների հետ եւ համախոհների հետ դուրս է եկել քայլարշավի, այսօր 4-րդն օրն է: «Իմ քայլը» այս նախաձեռնությունը Սերժ Սարգսյանի պաշտոնավարման 3-րդ ժամկետի դեմ է: Քայլարշավի մասնակիցները Սպիտակից այս պահին քայլում են դեպի Վանաձոր քաղաք:
Նելլի ԲԱԲԱՅԱՆ
Լուսանկարը՝ Նիկոլ Փաշինյանի ֆեյսբուքյան էջից
