«Սկանդալ» բնորոշված միջադեպի էությունն այն է, որ սկզբում տեղեկություն է տարածվել, թե միջազգային այս մրցույթին մասնակցելու համար համապատասխան ժյուրին Հայաստանից ընտրել է երկու հաղթողների, ապա սա հերքվել է և նշվել, որ որպես մրցույթի մասնակից միայն մեկը կմեկնի Իտալիա։
«Հերքման» հրապարակումներում ՀՀ մշակույթի նախարարությունն է նշվում որպես երկու պատանիների հաղթելու մասին լուրի աղբյուր։ Հայտնում ենք, որ ՀՀ մշակույթի նախարարությունը որևէ առնչություն չունի այս տեղեկության ո′չ սկզբնական ( երկու հաղթող), ո′չ էլ ձևափոխված (մեկ հաղթող) տարբերակի հետ։ Նախարարության Ֆեյսբուքի էջում տեղադրված տեղեկությունը և նրան կից լուսանկարներն էլեկտրոնային փոստով մեզ ուղարկել է ժյուրիի անդամ Զառա Արամյանը։
( Նախարարության ՖԲ էջում այդ տեղեկությունը չի հանվել կամ հերքում չի կցվել նրան, քանի դեռ այն ուղարկած Զառա Արամյանից նույն եղանակով չի ստացվել հերքման կամ ուղղում կատարելու պահանջ)։
ՀՀ մշակույթի նախարար Արմեն Ամիրյանի մամուլի քարտուղար
Ռուզաննա Խաչատրյան
