Հյուսիսային պողոտայի «Burger King»-ում տեղի ունեցած պայթյունն, ըստ նախնական տվյալների, գազի բալոնից է: Այս մասին Aravot.am-ին ասացին ԱԻՆ լրատվական ծառայությունից:
Ըստ ԱԻՆ-ի, արագ սննդի կետում գազի բալոն է պայթել, եւ կրկին, ըստ նախնական տեղեկությունների՝ պայթյունի հետեւանքով կան 9 տուժածներ:
Թե ինչ աստիճանի են տուժել քաղաքացիները, ԱԻՆ-ից ասացին, առայժմ մանրամասներ չեն կարող հաղորդել, քանի որ փրկարարները նոր են ժամանել դեպքի վայր եւ աշխատանքները շարունակվում են:
Ավելի վաղ հայտնել էինք, որ Հյուսիսային պողոտայում պայթյուն է տեղի ունեցել:
Նելլի ԲԱԲԱՅԱՆ
