2016թ. ամռանը Թուրքիայի հետ կնքված հաշտության պայմանագիրը սխալ էր: Այս մասին հայտարարել է Իսրայելի ներքին անվտանգության նախարար Գիլադ Էրդանը, գրում է The Jerusalem Post-ը:
Մեկնաբանելով Թուրքիայի նախագահ Ռեջեբ Թայիփ Էրդողանի և Իսրայելի վարչապետ Բենյամին Նեթանյահուի միջև «սիրալիրության փոխանակումը» սոցցանցերում, Էրդանը Թուրքիայի առաջնորդին մեղադրել է «հակասեմականության» մեջ, քանի որ «նա շարունակում է աջակցել ՀԱՄԱՍ-ին»:
Ընդ որում, Էրդանը հայտարարել է, որ Իսրայելը, հնարավոր է, չպետք է հաշտություն կնքեր Անկարայի հետ և միգուցե լավ կաներ միջազգային ասպարեզում հանես գալ Թուրքիայի դեմ՝ ճանաչելով Հայոց ցեղասպանությունը:
«Տարօրինակ բան է կատարվում. Թուրքիան ոչնչացնում է քրդերին, օկուպացնում է Հյուսիսային Կիպրոսը, և դա չի խանգարում Արևմուտքին նրան ճանաչել լեգիտիմ գործընկեր»,- ասել է նախարարը:
Պատրաստեց՝ Վիկտորյա ԱՆԴՐԵԱՍՅԱՆԸ
