«Հանուն Հայաստան պետության ճակատի» համակարգող Պետրոս Մակեյանից փորձեցինք ճշտել, թե երբ են սկսելու Մարտի 1-ի հրապարակային դատավարությունը։
«Այս պահին դեռ բանակցություններ են ընթանում կողմերի հետ, հանդիպել եմ փաստահավաք խմբի, առաջիկայում՝ նաեւ Սեդա Սաֆարյանի հետ, հանդիպումներ կանցկացնեմ նաեւ հայտնի այլ փաստաբանների հետ»: Նման դատավարություն ցանկանում էր իրականացնել նաեւ ՀԱԿ-ը` 2010-ին, սակայն ինչ-ինչ պատճառներով չարեց․ չե՞ք վախենում, որ ՀԱԿ-ը ձեզ կմեղադրի պլագիատի մեջ:
«Մենք մեր գործն ենք անում. չեմ կարծում, որ նման խնդիր առաջանա»: Սեղաննե՞ր եք դնելու՝ ինչպես դատարանում, դատավորի ամբիոն, վկանե՞ր են լինելու: «Այո՛»: ՀԱԿ-ի նախատեսած հրապարակային դատը «վարելու» էր նախկին դատավոր Պարգեւ Օհանյանը, ձե՞րն ով է վարելու: «Մենք թերեւս կնախընտրենք երդվյալ ատենակալների ինստիտուտը»: Մեղադրյալներ նո՞ւյնպես լինելու են։ «Այո՝ Ռոբերտ Քոչարյանը, որպես Մարտի 1-ի գլխավոր պատասխանատու, Սերժ Սարգսյանը` որպես շահառու»: Կանչելո՞ւ եք նրանց: «Ոչ, իրենց խրտվիլակներն ենք դնելու. դատավարությունը հեռարձակվելու է օնլայն։ Այժմ բանակցություններ ենք վարում Սփյուռքի հետ. այն ոչ միայն ակտիվ կմասնակցի-կհետեւի համացանցով, այլեւ պատրաստակամություն է հայտնել հայտնի-հմուտ իրավաբաններ ներգրավել այս գործում»:
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
