Ռուսաստանն ի պատասխան ԱՄՆ և այլ երկրների քայլի՝ մի քանի տասնյակ ռուսաստանցի դիվանագետների արտաքսման, ինչը պայմանավորված է Լոնդոնում ՌԴ նախկին հատուկ ծառայության աշխատակցի թունավորման գործում ՌԴ դեմ մեղադրանքով, արտաքսել է ամերիկացի և այլ երկրների դիվանագետների: Դիվանագետների արտաքսման այս պատերազմը արևմտառուսական լարվածության նոր փուլն է, որը հայտնի չէ, թե դեռ ինչքան կշարունակվի և մինչև ուր կհասնի: Այս հարցը վերջին օրերին շատ են տալիս թե՛ համաշխարհային մեդիա-փորձագիտական շրջանակներում, թե՛ նաև Հայաստանում:
Բանն այն է, որ խնդիրը Հայաստանի «մաշկին մոտ» է, քանի որ Արևմուտքի և Ռուսաստանի հարաբերության լարումը Երևանի համար կարող է բարդացնել «և-և»-ի, թվում է թե, քիչ թե շատ ստացվող, այսպես ասած, շտկվող քաղաքականությունը, երբ Երևանը կկանգնի ընտրության առաջ: Այստեղ առաջին հերթին նկատի է առնվում, անշուշտ, այն, որ Հայաստանի վրա մեծ ազդեցություն ունեցող Ռուսաստանը կարող է պահանջել այդպիսի դիրքորոշում, կամ նաև Արևմուտքը, ի վերջո, դնի հարց, թե որ կողմում է Հայաստանը, քաղաքակրթության, այսպես ասած, որ ճամբարում:
Արամ ԱՄԱՏՈՒՆԻ
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
