«Մասնագիտացված հակակոռուպցիոն քաղաքացիական հասարակության կազմակերպությունները` հանձին Հայաստանի ՔՀԿ հակակոռուպցիոն կոալիցիայի, մեր երկրի իշխանություններին տվել են ձկնորսական համապատասխան ցանցը` ապօրինի հարստացման քրեականացման տեսքով:
Իշխանություններին մնում է երկրի իրավապահ ու հակակոռուպցիոն մարմինների միջոցով ուղղակի գործադրել այն, եւ խոշոր ձկները ինքնաբերաբար կհայտնվեն այդ ցանցի մեջ»,- «Առավոտի» հետ զրույցում ասաց Իրավաբանների հայկական ասոցիացիայի նախագահ, ՀԿ-ների հակակոռուպցիոն կոալիցիայի քարտուղարության համակարգող Կարեն Զադոյանը: Հիշեցնենք. նախագահ Սերժ Սարգսյանը դեռ հինգ տարի առաջ էր հայտարարել խոշոր ձկներին բռնելու մասին: Սակայն հերթը նրանց այդպես էլ չի հասնում. ինչո՞ւ` հետաքրքրվել էինք Կարեն Զադոյանից:
«Առավոտ»
29.03.2018
