Ներկայումս ՀՀ քննչական կոմիտեի Տավուշի մարզային քննչական վարչությունում քրեական գործ է քննվում Իջեւանի բժշկական կենտրոնում նորածնի մահվան փաստի կապակցությամբ: Այն հարուցված է ՀՀ քրեական օրենսգրքի 130-րդ հոդվածի 2-րդ մասի հատկանիշներով («Բժշկական օգնություն եւ սպասարկում իրականացնողների մասնագիտական պարտականությունները չկատարելը կամ ոչ պատշաճ կատարելը`դրանց նկատմամբ անփույթ կամ անբարեխիղճ վերաբերմունքի հետեւանքով, որն անզգուշությամբ առաջացրել է բուժվող հիվանդի մահ կամ մարդու իմունային անբավարարության վարակի հարուցիչով վարակում»): Սույն հոդվածը նախատեսում է 2-6 տարի ժամկետով ազատազրկում`որոշակի պաշտոններից կամ որոշակի գործունեությամբ զբաղվելու իրավունքից զրկելով`առավելագույնը 3 տարի ժամկետով կամ առանց դրա:
Իրավապահներից տեղեկացանք, որ քրեական գործով նշանակվել է դատաբժշկական փորձաքննություն, որի եզրակացությունը դեռ չի ստացվել:
Ոսկան ՍԱՐԳՍՅԱՆ
