«Այնպես չէ, որ մենք էլ «գլուխներս կորցրել ենք» եւ փորձում ենք փախչել իրականությունից: Ե՛վ գնահատականներ ունենք դրա հավանականության մասին, ե՛ւ քայլերի հաջորդականություն՝ դրանք առաջնային մակարդակում զսպելու, ըստ անհրաժեշտության՝ անհրաժեշտ քաղաքական եւ ռազմական զինանոց կիրառելու համար»,- «Առավոտի» հետ զրույցում ասաց Արցախի նախագահի խորհրդական Տիգրան Աբրահամյանը` պատասխանելով հարցին` մտավախություններ կա՞ն, որ նախագահական ընտրություններից հետո Ալիեւը կրկին արկածախնդրությունների կգնա. հավանականությունն ինչպե՞ս եք գնահատում:
«Երբ այդ երկրի նախագահը հրապարակայնորեն խոսում է Հայաստանի տարածքների նկատմամբ ունեցած ամբիցիաների մասին եւ փակ պահում խնդիրը խաղաղ ճանապարհով լուծելու դուռը, ինչպե՞ս կարող ենք անտեսել նոր արկածախնդրության հանգամանքը: Քանի խնդիրը կարգավորված չէ, պատերազմի հավանականություն կա: Քանի բանակցային գործընթացը կանգ է առել, դրա հավանականությունն ավելի մեծ է»,- հավելեց մեր զրուցակիցը:
«Առավոտ»
28.03.2018
