Այսօր՝ Հայաստանի հանրապետական կուսակցության հիմնադիր Աշոտ Նավասարդյանի ծննդյան օրը, Եռաբլուրում էին հավաքվել վաղամեռիկ գործչի հարազատները, ընկերները, ՀՀԿ-ի ներկայացուցիչներ:
Աշոտ Նավասարդյանի հիշատակը խնկարկելու էին եկել նաեւ Երեւանի փոխքաղաքապետ Դավիթ Օհանյանն ու Մալաթիա-Սեբաստիա վարչական շրջանի ղեկավար Արտակ Ալեքսանյանը`ՀՀԿ-ական օլիգարխ-պատգամավոր Սամվել Ալեքսանյանի եղբոր որդին:
Մամուլում հրապարակումներ կային, որ Դավիթ Օհանյանն առաջիկայում նշանակվելու է Շենգավիթ վարչական շրջանի ղեկավար, իսկ Արտակ Ալեքսանյանը կզբաղեցնի Դավիթ Օհանյանի տեղը`փոխքաղաքապետի պաշտոնում: Սամվել Ալեքսանյանի հեռահար նպատակներում եղբորորդուն Երեւանի քաղաքապետ կարգելն է: Լրագրողների հարցերին ի պատասխան՝ Դավիթ Օհանյանը միայն ասաց, որ պատրաստ է իր տեղը զիջել երիտասարդ գործիչների: Այլ հարցերի նրանք չպատասխանեցին:
Մանրամասները`տեսանյութում
Նելլի ԳՐԻԳՈՐՅԱՆ
