Պաշտպանության նախարարի տեղակալ, ՊՆ ռազմարդյունաբերության պետական կոմիտեի նախագահ Դավիթ Փախչանյանն այսօր ՊՆ-ում լրագրողների հետ հանդիպմանն անդրադարձավ ՀՀ նախագահ Սերժ Սարգսյանի՝ ավելի վաղ արված հայտարարություններից մեկին, թե Հայաստանը պետք է կարողանա նաեւ ռազմական արտադրանք վաճառել այլ երկրների: «Գործարքների մասին չեմ տեղեկացնի, որովհետեւ թեման գաղտնի է, բայց մենք նոր ենք սկսում այդ աշխատանքը»,-հայտնեց Դավիթ Փախչանյանը:
Նա նկատեց, որ ռազմական տեխնիկայի շուկան բարդ է. «Այդ ոլորտ արագ մտնելն անհնար է: Փորձով պետք է համոզել, որ քո արտադրած տեխնիկան բավարարում է գնորդի պահանջներին»:
Փոխնախարարի խոսքով՝ որոշ երկրներ արդեն իսկ հետաքրքրված են հայկական արտադրությամբ. «Մենք էլ արտերկրյա ցուցահանդեսների ենք մասնակցելու»:
Լուիզա ՍՈՒՔԻԱՍՅԱՆ
