Մարդու իրավունքների եվրոպական դատարանը (ՄԻԵԴ) բավարարել է «Թեյմուրազյանն ընդդեմ Հայաստանի» գործով հայցը՝ Հայաստանին պարտավորեցնելով մոտ 12 200 եվրո վճարել հայցվոր Վարդան Թեյմուրազյանին:
Թեյմուրազյանի դեմ քրեական գործը հարուցվել էր 2005թ.՝ Ճանապարհային ոստիկանության երկու աշխատակցի վրա հարձակում գործելու մեղադրանքով: Նրան երկու ամսով կալանավորել էին, հետո արդարացրել, քանի որ պարզվել էր, որ ինքն է բռնության ենթարկվել ոստիկանության կողմից:
Թեյմուրազյանը պատասխան հայց էր ներկայացրել իրեն ծեծի ենթարկած ոստիկանների դեմ, սակայն հայցը մերժվել էր, որից հետո նա դիմել էր ՄԻԵԴ:
Պատրաստեց՝ Վիկտորյա ԱՆԴՐԵԱՍՅԱՆԸ
