Ռուսաստանի Քննչական կոմիտեն մեկնաբանել է տեղեկություններն այն մասին, որ Կեմերովոյի առևտրի կենտրոնում հրդեհից զոհվածների հարազատները նրանց մարմինները կստանան միայն գաղտնիության մասին փաստաթուղթ ստորագրելուց հետո:
«Սոցցանցերում ակտիվորեն քննարկվում է այն տեղեկությունը, որ զոհերի մարմինները մերձավորներին կհանձնեն միայն ինչ-որ «գաղտնիություն պահելու մասին թղթեր» ստորագրելուց հետո: Նման փաստաթղթերի ստորագրումը նախատեսվում է քրեական-ընթացակարգային օրենսդրությամբ և թելադրված է, առաջին հերթին, տուժածների շահերով»,- ասվում է Քննչական կոմիտեի հաղորդագրության մեջ:
Ընդ որում, ՔԿ-ից հայտարարել են, որ այդ փաստաթղթերի ստորագրումը հիմք կամ խոչընդոտ չէ դիակների ինքնությունը ճանաչելու կամ նրանց մարմինները մերձավորներին հանձնելու համար:
Պատրաստեց Վիկտորյա ԱՆԴՐԵԱՍՅԱՆԸ
