Aravot.am-ի հետ զրույցում ՀՀ առողջապահության նախարարի մամուլի խոսնակ Անահիտ Հայթայանը մեկնաբանեց տնտեսագետ Մովսես Արիստակեսյանի՝ օրերս նախարար Լեւոն Ալթունյանի հասցեին հնչեցրածը, թե նախարարն իրեն պատկանող ապահովագրական ընկերության միջոցով է իրականացնում առողջապահական սոցփաթեթների տրամադրման գործընթացը:
«Մովսես Արիստակեսյանի ասածը կատարյալ անհեթեթություն է եւ հանրությանը մոլորության մեջ գցելու միտում։ Դա մեկ-երկու նախադասությամբ մեկնաբանել հնարավոր չէ։ Միայն կարող եմ ասել, որ սոցփաթեթի շահառուների բժշկական ծառայությունների՝ պետության կողմից ձեռք բերված ապահովագրական փաթեթով տրամադրումը Առողջապահության համաշխարհային կազմակերպության կողմից գնահատվել է որպես արդյունավետ ծրագիր»,-ասաց Անահիտ Հայթայանը:
Նա վստահեցրեց, որ գործընթացն արվում է արդարության սկզբունքով և կառավարության կողմից հաստատված բանաձևով:
Լուիզա ՍՈՒՔԻԱՍՅԱՆ
