Թուրքիան հաջողությամբ փորձարկել է սեփական արտադրության կարճ և միջին հեռահարության «Bozdoğan» և «Gökdoğan» կոչվող բալիստիկ հրթիռները: Փորձարկումը տեղի է ունեցել Թուրքիայի Սինոպ զորավարժարանում։
Հրթիռների արտադրության հարցերով զբաղվել են Թուրքիայի գիտատեխնիկական հետազոտությունների կենտրոնը (TUTBIKAT) և Թուրքիայի պաշտպանական արդյունաբերության վարչությունը։
2018-ի տարեվերջին նախատեսված է այդ հրթիռների փորձարկման հաջորդ փուլը, որի ժամանակ դրանք բաց կթողնվեն շարժվող թիրախների ուղղությամբ:
Հրթիռները նախկինում ներկայացվել էին Ստամբուլում կայացած «IDEF 2017)» ռազմական տոնավաճառում։
Եթե «Gökdoğan» հրթիռը թիրախը խոցում է միայն կարճ հեռավորության վրա, ապա «Bozdoğan»-ը խոցում է բավականին մեծ հեռավորության վրա։ Այն ունի «Smart» ինքնակառավարման համակարգ:
Ծրագրվում է, որ վերոնշյալ հրթիռները Թուրքիայի զինուժի շահագործմանը կհանձնվեն 2020 թվականին։
