Ֆրանսիայի նախկին նախագահ Նիկոլա Սարկոզին, որին պաշտոնապես մեղադրանք է առաջադրվել 2007թ. իր նախընտրական քարոզարշավի ժամանակ Լիբիայի բռնապետ Մուամար Կադաֆիի կողմից ֆինանսավորվելու մեջ, հայտարարել է, որ իր մեղքն ապացուցող որևէ իրական ապացույց չկա:
«Նրա որդին՝ չարակամ Սեյֆ Կադաֆին, 2011թ. մարտի 16-ն հայտարարել է, որ իբր «Սարկոզին պետք է վերադարձնի այն փողերը, որ մենք նրան տվել ենք»: Եվ ավելացրել է. «Մենք ունենք լուսանկարներ, ձայնագրություններ, բանկային հաշիվների համարներ և թարգմանություններ»,- ասել է Սարկոզին:- Դա ասվել է 2011թ. մարտի 16-ին, այժմ 2018թ. մարտն է: Որևէ փաստաթուղթ, որևէ լուսանկար, որևէ բանկային հաշիվ կամ իրական ապացույց չկա, կա միայն ատելություն»:
Սարկոզիի քարոզարշավի՝ անօրինական ֆինանսավորման գործով քննությունը սկսվել էր Սեյֆ Կադաֆիի՝ վերը նշված հայտարարության հիման վրա:
Պատրաստեց՝ Վիկտորյա ԱՆԴՐԵԱՍՅԱՆԸ
