«Դու հլը շատ հաց ու պանիր պտի ուտես, որ Բաղմանյանին հասնես»,- խորհրդարանում լրագրողներից մեկի հարցին այսպես պատասխանեց ՀՀԿ-ական պատգամավոր, գեներալ Սեյրան Սարոյանը: Հարցը վերաբերում էր Հայկազ Բաղմանյանի նշանակմանը:
Հիշեցնենք, երեկ նա նշանակվել է Հավաքական անվտանգության պայմանագրի կազմակերպության միացյալ շտաբի պետի տեղակալ` կնքելով զինվորական ծառայություն անցնելու մասին նոր պայմանագիր` երեք տարի ժամկետով։
Մի քանի ամիս առաջ Հայկազ Բաղմանյանն ազատվել էր ՀՀ ԶՈՒ գլխավոր շտաբի պետի տեղակալի պաշտոնից:
Սեյրան Սարոյանը նորմալ է համարում Հայկազ Բաղմանյանի նշանակումը: Չի կիսում բոլոր այն խոսակցություն-տեղեկությունները, որոնք վերաբերում են Բաղմանյանի`կոռուպցիայի մեջ թաթախված լինելուն:
Ասում է`«տաշած քարը գետին չի մնա» որ «Էս աշխարհում անթերի մարդ չկա»: Ըստ գեներալի, անթերի են նրանք, ովքեր գործ չեն անում, գործ անողը միշտ էլ թերանում էլ է:
«Քու ի՞նչ գործ, քո տնի՞ց է գողցե էդ մարդը»,-լրագրողներից մեկի հարցին, եթե բանակից չի գողացել Հայկազ Բաղմանյանը, ապա ինչպե՞ս է բիզնեսներ հիմնել, այսպես հակադարձեց Սեյրան Սարոյանը: Բանակից գողանալու մասով էլ նկատեց. «Եթե էդ մարդը մարտական պատրաստակամության պետն ա, ի՞նչ պտի գողնար, զինվո՞ր պտի գողնար»:
Մանրամասները` տեսանյութում
Նելլի ԳՐԻԳՈՐՅԱՆ
