Ֆրանսիայի նախկին նախագահ Նիկոլա Սարկոզիի դեմ մեղադրանք է առաջադրվել՝ 2007թ. իր նախընտրական քարոզարշավի համար Լիբիայի բռնապետ Մուամար Կադաֆիի կողմից ֆինանսավորում ստանալու գործով, հաղորդում է Meduza.io-ն:
Սարկոզին մեղադրվում է պասիվ կոռուպցիայի, ընտրարշավի անօրինական ֆինանսավորման և Լիբիայի պետական միջոցները թաքցնելու մեջ:
Նա ձերբակալվել էր մարտի 20-ի առավոտյան Փարիզի արվարձանային Նանտերա քաղաքում, որտեղի ոստիկանական բաժանմունք էր ներկայացել իր ընտրարշավի ֆինանսավորման վերաբերյալ ցուցմունք տալու: Հարցաքննությունը շարունակվել է երկու օր, մեղադրանք առաջադրելուց հետո նրան ազատ են արձակել:
Սարկոզիի քարոզարշավի ֆինանսավորման գործը բացվել է 2013թ, բայց գործով առաջին հարցաքննությունը տեղի է ունեցել միայն 2018 թ. մարտին:
Պատրաստեց՝ Վիկտորյա ԱՆԴՐԵԱՍՅԱՆԸ
