Ի՞նչ ոճով է աշխատելու Հրայր Թովմասյանը

«Որեւէ հարցի չեմ պատասխանի: Որոշակի ժամանակ հետո միգուցե կմտածեմ մեկ հանդիպում կազմակերպելու մասին»,- խորհրդարանում լրագրողների հարցերին այսպես պատասխանեց ՍԴ նորընտիր նախագահ Հրայր Թովմասյանը:

Լրագրողներից մեկը նկատեց` այս ոճո՞վ է աշխատելու ՍԴ նախագահի պաշտոնում: «Ես ասացի` ինչ ոճով եմ աշխատելու»,- արձագանքեց Հրայր Թովմասյանը:

Լրագրողներից մեկը հարցրեց`չի՞ ցանկանում պարզաբանել, թե ինչո՞ւ իրեն խախտումով ընտրեցին: Հիշեցնենք, ՍԴ նախագահի պաշտոնը թափուր պետք է համարվեր ամսի 24-ից, եթե Հրայր Թովմասյանի ընտրությունը կազմակերպվեր օրենքի տառին համապատասխան, ապա իր ընտրությունը զուգադիպելու էր նոր Սահմանադրությամբ ՍԴ նախագահ ընտրելու կարգի հետ եւ վերջինս վեց տարի պետք է պաշտոնավարեր, մինչդեռ հիմա, Հրայր Թովմասյանը ցմահ կպաշտոնավարի: «Կարդացեք Սահմանադրական դատարանի մասին օրենքը, որում սեւով սպիտակի վրա գրված է, որ ՍԴ անդամը իրավունք չունի հրապարակայնորեն որեւէ կարծիք հայտնելու որեւէ ակտի վերաբերյալ: Ես, որպես Սահմանադրական դատարանի անդամ, պարտավոր եմ ենթարկվել այդ օրենքին»,- ասաց նա:

Մանրամասները`տեսանյութում

Նելլի ԳՐԻԳՈՐՅԱՆ