Ադրբեջանը եւ Թուրքիան ֆրանկոֆոնիայի միջազգային կազմակերպության անդամ երկրներ չեն, ուստի այս հարթակում երբեւէ քննարկումներ չեն լինում այդ երկրներում մարդու իրավունքների խախտումների եւ քաղաքական իրավիճակների մասին: Այդ մասին Aravot.am-ի հետ զրույցում ասաց ՀՀ ԱԺ պատգամավոր, Ֆրանկոֆոնիայի խորհրդարանական վեհաժողովում Հայաստանի պատվիրակության ղեկավար Մարգարիտ Եսայանը:
Հիշեցնենք, այսօր խորհրդարանում մեկնարկել է Ֆրանկոֆոնիայի խորհրդարանական վեհաժողովի քաղաքական հարցերի հանձնաժողովի նիստը: Նիստին մասնակցում են պատվիրակներ`27 եվրոպական եւ աֆրիկյան երկրներից:
Մարգարիտ Եսայանից հետաքրքրվել էինք`անդրադարձեր կլինե՞ն առաջիկայում Ադրբեջանում կայանալիք նախագահական ընտրություններին եւ այդ երկրում մարդու իրավունքների ոչ բարվոք վիճակին:
Մեր զրուցակիցը հիշեցնում է, բուռն եւ սուր քննարկումներ եղել են Սիրիայի հարցով: Ադրբեջանի մասով քննարկումներ եղել են 2016-ի ապրիլյան պատերազմից հետո:
«Մենք դեռ երկու օր աշխատելու ենք, բնականաբար, ես առիթը բաց չեմ թողնի այդ մասին խոսել»,- ասաց տիկին Եսայանը`պատասխանելով հարցին`պատրաստվո՞ւմ է խոսել Իլհամ Ալիեւի հայատյաց հայտարարությունների մասին:
Այլ մանրամասները` տեսանյութում
Նելլի ԳՐԻԳՈՐՅԱՆ
