Դատավոր Գագիկ Պողոսյանի նախագահությամբ այսօր Լեւոն Գասպարյանի գործով հերթական դատական նիստն էր:
Հիշեցնենք, որ ըստ մեղադրանքի՝ նա 2017թ. ապրիլի 2-ի ԱԺ ընտրությունների ժամանակ բռնություն է գործադրել «Ազատություն» ռ/կ-ի՝ մասնագիտական լիազորություններն իրականացնող լրագրող Սիսակ Գաբրիելյանի հանդեպ, խլել է վերջինիս տեսանկարահանող սարքը:
Այսօրվա նիստում նախատեսվում էր, որ դատախազը Լեւոն Գասպարյանի մեղադրական ճառն էր ընթերցելու՝ համապատասխան պատիժ պահանջելով նրա համար, սակայն նոր դատախազ էր ներկայացել՝ Արման Շահբազյանը, որը դատավորից խնդրեց ժամանակ տրամադրել՝ գործի նյութերին ծանոթանալու եւ մեղադրական ճառ կազմելու համար:
Ըստ այդմ, նիստը հետաձգվեց: Մեղադրական ճառի հրապարակումը նախատեսվում է ապրիլի 5-ին՝ 09:00-ին:
Լուիզա ՍՈՒՔԻԱՍՅԱՆ
