ԲԱՑ ՆԱՄԱԿ
Հայաստանի Հանրապետության նախագահ Սերժ Սարգսյանին
Մեծարգո՛ պարոն նախագահ,
Ձեզ են դիմում Շիրակի պետական համալսարանի ուսանողները՝ բողոքելով ռեկտոր Սահակ Մինասյանի` սույն թվականի մարտի 15-ին ընդունած անհիմն որոշման դեմ: Ռեկտորը կամայական կերպով (Աշխատանքային օրենսգրքի 113-րդ հոդվածի 1-ին մասի 6-րդ և 122-րդ հոդվածի 2-րդ կետերով) աշխատանքից ազատել է բուհի լավագույն դասախոսներից Հովհաննես Խորիկյանին և Գագիկ Համբարյանին: Տարիներ շարունակ վերջիններս իրենց տված գիտելիքներով և մանկավարժին ու ՀՀ քաղաքացուն բնորոշ վեհ կեցվածքով վայելել են ուսանողների սերն ու հարգանքը:
Մենք բազմիցս դիմել ենք ՀՀ ԿԳ նախարար Լևոն Մկրտչյանին, բայց մեր բողոքներն ամեն անգամ անպատասխան են մնացել: Հերթական անգամ հայտարարում ենք դասադուլ և պահանջում՝
-Բեկանե՛լ ռեկտորի´ մարտի 15-ի որոշումը և անհապաղ աշխատանքի վերադարձնել Հ. Խորիկյանին ու Գ. Համբարյանին:
-Ապահովել մարտի 24-ին կայանալիք գիտխորհրդի և հոգաբարձուների խորհրդի համատեղ ընդլայնված նիստի թափանցիկությունը, այն կազմակերպել լրագրողների, բողոքին մասնակցող ուսանողների հատուկ խմբի և Հ. Խորիկյանի ու Գ. Համբարյանի ներկայությամբ:
-Ապահովել բուհի ֆինանսական վիճակի թափանցիկությունը և համալսարանի պաշտոնական կայքում զետեղել բուհի 2016 թվականի փոփոխված և 2017 թվականի նախահաշիվները և նույն թվականների ֆինանսական հաշվետվությունները, 2018 թվականի բյուջեի նախահաշիվը:
Պարո´ն նախագահ, հուսով ենք, որ արդարությունը կվերականգնեք:
19.03.2018
