Թուրքիայի և Հայաստանի միջև ստորագրված Ցյուրիխյան արձանագրություններն ավելի շատ ձեռնտու էին Հայաստանին, քան Թուրքիային: Այս մասին ԱՊԱ-ի հետ զրույցում ասել է Թուրքիայի փոխարտգործնախարար Ահմեդ Յըլդըզը:
Նախարարը նշել է, որ թեև դրանք ուժի մեջ չմտան, հայկական կողմի այդպիսի քայլը ընտրություններից առաջ անընդունելի էր:
«Նրանց գործն է: Միևնույն է՝ այս բոլոր տարիներին նրանք ցանկություն չեն ցուցաբերում կարգավորել Լեռնային Ղարաբաղի հակամարտությունը: Այդ կերպ նրանք ևս մեկ անգամ ցույց են տալիս իրենց դիրքորոշումը: Մենք առաջին հերթին ուզում ենք, որպեսզի նրանք դուրս բերեն զորքերն ադրբեջանական տարածքներից: Դա կլիներ հակամարտության լուծում: Նրանք դա չուզեցին»,- ասել է Յըլդըզը:
Պատրաստեց Վիկտորյա ԱՆԴՐԵԱՍՅԱՆԸ
