«Խուճապ կա այն մարդկանց մոտ, ում հանգիստ չի տալիս Հանրապետական կուսակցության, իշխանության, նախագահի վարած արդար, արդյունավետ ներքին եւ արտաքին քաղաքականությունը, որովհետեւ պետք է քննադատեն, բայց քննադատելու բան չկա», հայտարարել է ՀՀԿ խոսնակ Էդուարդ Շարմազանովը։
«ՉԻ» – Փաստորեն ընդդիմադիրները խուճապի մեջ են։ Տարեկան 40-50 հազար մարդու արտագաղթը հեչ քննադատելու բան չէ ու վկայում է բացառապես երկրի կայուն զարգացման մասին, ապրիլյան պատերազմում 700 հեկտար կորցնելը փայլուն հաղթանակ է, այն, որ Ռուսաստանը ժամանակակից սպառազինություն է վաճառում Ադրբեջանին՝ վկայում է մեր ճկուն արտաքին քաղաքականության մասին, աննախադեպ գնաճը բնակչության կենսամակարդակի կտրուկ բարձրացման լավագույն ապացույցն է, Սաշիկի մոտ էլ փաստաթղթերով ամեն ինչ կարգին է։
Այնպես որ՝ խուճապահար եւ վշտաբեկ ընդդիմադիրներին մնում է միայն ցած նետվել Դավիթաշենի կամրջից, այն էլ՝ աչալուրջ եւ սաստիկ անկաշառ ոստիկաններն անմիջապես կանխում են…
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
