Ըստ էության, երկրում տիրող քաղաքական իրավիճակը և բարոյահոգեբանական մթնոլորտը շատ ավելի հին պատմություն և խորը արմատներ ունեն: Մենք, տարիներ շարունակ, հարմարվել ենք, ձեռքներս թափ տվել շրջապատող անօրինական երևույթների ու անբարո գործիչների ուղղությամբ՝ մինչև սուտն ու կեղծիքը, քաղաքական առ ու ծախը հասել են մեզնից յուրաքանչյուրին: Ասել կուզե՝ այն, ինչ ունենք, մեր անտարբերության հետևանքն է: Եվ այնքան ժամանակ պիտի վայելենք այս իրավիճակը՝ քանի դեռ ոտքներս գետին չենք խփել, քաղաքացու կեցվածք դրսևորել և «ոչ» ասել այս ամենին: Ժողովրդական խոսքով ասած՝ ջաղացը կորցրել, չախչախին ենք ման գալիս:
Երկրի շահերն ու մեր երեխաների ապագան մի քանի հազար դրամի ենք վերածել ու հիմա փիլիսոփայում ենք՝ ով կլինի նախագահը, ով՝ վարչապետը: Ազգային Ժողովը դարձրել ենք քաղաքական ապաստարան:
Թեմայի մանրամասները՝ տեսանյութում:
Սուրեն ՍԱՐԳՍՅԱՆ
