Նախորդ երկու տարիների նկատմամբ անհամեմատ դրական իրավիճակ է ստեղծվել բյուջետային մուտքերի կատարողականի առումով։ Ինչպես հայտնի է, անցած տարի հաջողվեց ապահովել ոչ միայն նախատեսված ցուցանիշները, այլեւ դրանք զգալիորեն գերակատարել։
Վարկանիշային ընկերության մասնագետներն ակնկալում են, որ երկրի ֆիսկալ կառուցվածքի շարունակական բարեփոխումները պայմաններ կստեղծեն ժամանակի ընթացքում ամրապնդելու երկրի հարկաբյուջետային դիրքը։ Մի բան, որ դեռեւս հեռու է բավարար լինելուց։
Վերջին շրջանում վարկանիշային կազմակերպությունները դրական են գնահատում նաեւ բյուջեի ծախսերի նկատմամբ հսկողության ուժեղացումը։ Խոսքը դեֆիցիտի հաշվին ծախսերի ֆինանսավորման մասին է։
Ինչպես հայտնի է, ցածր եկամուտների պայմաններում կառավարությունը երբեմն իրեն թույլ է տալիս նախատեսված ծախսերն իրականացնել այլ աղբյուրներից միջոցների ներգրավման եւ դեֆիցիտի համալրման միջոցով։ Այնպես, ինչպես եղավ նախորդ մի քանի տարիներին։ Նման գործունեության հետեւանքով պետական բյուջեի պակասուրդը 2016թ. հասավ 5,5 տոկոսի։
Ս. ԲԵԳԼԱՐՅԱՆ
Հոդվածն ամբողջությամբ կարդացեք «Հայոց Աշխարհ» օրաթերթի այսօրվա համարում
