Չարորակ նորագոյացություններից մահվան դեպքերի քանակով Լոռու մարզը տարիներ շարունակ համարվում է առաջատար։ Իսկ այստեղ, ինչպես հայտնի է, հանքարդյունաբերությունը դրված է անսասան հիմքերի վրա։ Բնակչության առողջության համար պատասխանատու գերատեսչությունը, սակայն, երկրի ընդերքի բզկտումը չի որակել մահաբեր ու առաջ չի քաշել տարածքի բնակիչներին պաշտպանելու անհրաժեշտության խնդիր։
«Ինչպես ամբողջ աշխարհում, այնպես էլ ՀՀ-ում վերջին տարիներին նկատվում է չարորակ նորագոյացությունների հիվանդացության եւ մահացության աճի միտում։ Հաշվի առնելով այդ ցուցանիշների՝ տարեցտարի արձանագրվող աճը աշխարհի գրեթե բոլոր երկրներում, այն ձեռք է բերում պետական նշանակություն։ Համաձայն ԱՀԿ տվյալների՝ մահացության, հիվանդացության եւ հաշմանդամության բարձր մակարդակների համար չարորակ նորագոյացությունների մահվան արտաքին պատճառները, զարգացման ռիսկի գլխավոր գործոնները կապված են ապրելակերպի եւ վնասակար վարքագծային սովորությունների հետ»,- նշվում է ՀՀ ԱՆ աշխատակազմի ղեկավար Նելսոն Զուլոյանից ստացված պատասխան գրության մեջ։
Անդրադառնալով World Life Expectancy կայքի հրապարակած տվյալներին, ըստ որի՝ ՀՀ յուրաքանչյուր 100 000 բնակչի հաշվով քաղցկեղից մահանում է մոտ 230 մարդ, նշենք, որ մեր երկրի պաշտոնական վիճակագրության համաձայն նույն 2014 թ. այդ ցուցանիշը կազմել է մոտ 190 դեպք։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
