Այսօր ԿԱ ՊԵԿ մարզահամալիրում (նախկին «Միկա» մարզահլիճում) մեկնարկեց «Երեւան-2800» բասկետբոլի միջազգային մրցաշարը, որին մասնակցում է չորս թիմ: Երեւանի «Ուրարտուն», Իրանի «Արարատը», Մոսկվայի «Գազպրոմ Մոսկովսկին» եւ Թբիլիսիի Հյունդային:
Առաջին խաղում Վրաստանի թիմը 106:65 հաշվով առավելության հասավ «Արարատի» նկատմամբ: Երեւանի «Ուրարտուն» անհաջող մեկնարկեց մոսկովյան ակումբի հետ խաղում՝ զիջելով 65:93 հաշվով (15:18, 9:25, 26:28, 15:22):
Խաղի ամենաարդյունավետ խաղացող ճանաչվեց հյուրերից Սերգեյ Բիկովը (22 միավոր): «Ուրարտուի» կազմում ամենից շատ միավոր վաստակեց Էդգար Բաբայանը (20 միավոր):
Վաղը միմյանց հետ կխաղան` «Ուրարտու»-«Արարատ», «Գազպրոմ Մոսկովսկի»- «Հունդայի»:
Աշոտ ՀԱԿՈԲՅԱՆ
