Ֆուտբոլի Անգլիայի առաջնության 30-րդ տուրում Լոնդոնի «Արսենալը» ընդունեց «Ուոթֆորդին» եւ 3:0 խոշոր հաշվով հաղթանակ տարավ:
Հայաստանի ազգային հավաքականի ավագ Հենրիխ Մխիթարյանը հանդիպման 59-րդ րոպեին գեղեցիկ փոխանցումով Պյեր-Էմերիկ Օբամեյանգին մեն-մենակ դուրս բերեց դարպասի առջեւ: Վերջինս շրջանցելով դարպասապահին՝ երկրորդ գոլն անցկացրեց մրցակցի դարպասը:
Դորտմունդի «Բորուսիայի» նախկին ֆուտբոլիստները 77-րդ րոպեին փոխվեցին դերակատարությունով: Օբամեյանգը «Ուոթֆորդի» տուգանային հրապարակում գնդակը փոխանցեց պաշտպանների հսկողությունից մի ակնթարթ դուրս մնացած Մխիթարյանին, որն էլ 11 մետրանոցի մատույցներից խփեց իր գոլը՝ հաշիվը դարձնելով խոշոր:
Աշոտ ՀԱԿՈԲՅԱՆ
