Տիգրան Աթանեսյան. «Այնքան են ձգձգելու, մինչեւ վաղեմության ժամկետը լրանա». «Հայկական ժամանակ»

Գործով «առանցքային» մեղադրյալ, փաստաբան Տիգրան Աթանեսյանն էլ մեր զրույցում ասաց՝ թե ինչ փուլում է նախաքննությունը, չգիտի. «Քանի որ որոշ մարդիկ խոսք են տվել Զոհրաբյանին, որ հրոսակախմբին պատասխանատվության չեն ենթարկելու, սակայն իրավական ձեւը չեն գտնում դա չանելու, պարզապես ձգձգում են նախաքննությունը։ Նաեւ ինձ եւ Արմեն Սողոմոնյանին մեղադրանք առաջադրելը եւ մինչ օրս մեղադրյալ լինելն էլ դրա մասին է վկայում։ Ցանկանում են ստիպել, որ մենք հրաժարվենք բողոքից, ինչը ասում ենք, որ չի լինելու: Այնքան են ձգձգելու, մինչեւ վաղեմության ժամկետը լրանա»,- նշեց Աթանեսյանը։

Մեր հարցին, թե ովքե՞ր են ստիպել, Աթանեսյանն ասաց, որ չի կարող անուններ տալ։ «Ստիպել բառը ես օգտագործեցի, հաշտության բազմաթիվ խնդրանքներ եմ ստացել ամենաբարձր ատյաններից, տարբեր տեղերից, ինչին ես հստակ պատասխանել եմ, որ սա շարքային գործ չէ կռվի վերաբերյալ, սա այլ գործ է եւ հանգուցալուծումն էլ պետք է լինի այդ մակարդակում, կլինի դա դատական, թե ոչ դատական կարգով։ Ամեն դեպքում պետք է լինի օրենքի շրջանակներում եւ իմ գլխավոր նպատակին ես ամեն դեպքում պետք է հասնեմ»։ Հարցին, թե վաղեմության ժամկետը ե՞րբ է լրանում, ասաց՝ 2 տարի հետո։

Տաթեւ ԽԱՉԱՏՐՅԱՆ

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում