Լրագրողների պաշտպանության կոմիտեն (CPJ) դատապարտել է մարտի 8-ին թուրքական դատարանի վճիռը 22 լրագրողներին կալանավորելու վերաբերյալ և կոչ է արել անհապաղ ազատ արձակել նրանց:
«Ստամբուլում այսօր առնվազն 22 լրագրողների կալանքը հակապետական գործողությունների մեղադրանքներով անպատվություն է Թուրքիայի արդարադատության համակարգի նկատմամբ, և մենք կոչ ենք անում իշխանություններին հանել մեղադրանքները,- ասել է «Լրագրողների պաշտպանության կոմիտեի»՝ Եվրոպայի և Կենտրոնական Ասիայի հարցերով համակարգող Նինա Օգնիանովան:- Թուրքիայի իշխանությունները պետք է դադարեցնեն լրագրությունը հավասարեցնել ահաբեկչությանը և ազատ արձակեն իրենց աշխատանքը կատարելու համար բանտ ուղարկված մամուլի աշխատակիցներին»:
Պատրաստեց՝ Վիկտորյա ԱՆԴՐԵԱՍՅԱՆԸ
