Քաղաքապետարանի ախորժակը չի փակվում. ազատ տարածք են տեսնում՝ արագ վաճառքի են հանում: Ու ախորժակն այնպես է բացվել, որ մայթերն էլ են վաճառքի հանում: Մալաթիա-Սեբաստիա համայնքի Անդրանիկի փողոցում երեւի շաբաթ կամ ամիս չկա, որ մի փոս չփորեն ու մի օբյեկտի հիմք չգցեն:
Լուսանկարում պատկերված կիսակառույցն էլ օրերս են սկսել «կենդանացնել»: Այստեղ շինարարները փորել, փորել են, մեկ էլ ինչ-որ մալուխների են հանդիպել: Ու պարզվել է՝ դրանք հարակից թաղամասը սնուցող հեռախոսի մալուխներն են, որի վրա էլ օբյեկտ կառուցելու շինթույլտվություն է տրվել:
Հիմա կառուցապատողն ու շինարարները չգիտեն ինչ անել՝ ո՛չ կիսակառույցը
կարող են տեղաշարժել, ո՛չ էլ մալուխները:
Լուսանկարը՝ ՆԵԼԼԻ ԲԱԲԱՅԱՆԻ
«Առավոտ»
07.03.2018
