Այսօր «Սասնա ծռերի» գործով ամբաստանյալներից Արմեն Բիլյանը հայտարարությամբ հանդես եկավ:
«Քանի որ այսօր մարտի 7 է, կուզենամ բոլոր կանանց տոնը նախապես շնորհավորել, ես ձեզանով հիանում եմ, շատ ուրախ եմ, որ այդքան համարձակ եք ու մեր կողքին»,- ասաց Բիլյանը:
Ըստ նրա՝ Հայաստանում ստեղծված այս իրավիճակը բոլորին է վերաբերում, ոչ միայն իրենց. «ժողովուրդն ուզում է արդարություն, ազնվություն տեսնել, գնում է ընտրության, բայց չի կարողանում իր ձայնն արտահայտել: Անունը դրել են Սահմանադրական դատարան, բայց ոնց ուզում է, վերջում այդպես էլ որոշում է: Այս գործերը, որ շարել են, ելք չէ, ելքը ավելի մեծ վտանգներ են սպասվում Հայաստանին: Մի բան կասեմ՝ բոլորդ տաք եք դեռ»:
Արմեն Բիլյանը սկզբում մեղադրվում էր պատանդ վերցնելու, ապօրինի կերպով զենք-ռազմամթերք կրելու, փոխադրելու հոդվածներով։ Բայց նախաքննական մարմինը Բիլյանի մեղադրանքը խստացրել է նաև զենքի հափշտակության հոդվածով։
Բիլյանին է մեղսագրվում նաեւ ոստիկանության ենթասպա Գագիկ Մկրտչյանի սպանությունը:
Արփինե ՍԻՄՈՆՅԱՆ
