«Ինչպես կասեր մեր սիրելի Գալուստ Գրիգորիչը՝ դռնփակը դա թաքունը չի»,-ԱԺ նիստում այսօր անդրադառնալով կառավարության նիստերը դռնփակ անցկացնելուն, ասաց ԱԺ փոխխոսնակ Էդուարդ Շարմազանովը:
Ապա նա մեկնաբանեց ընդդիմադիրների պնդումը, թե նոր Սահմանադրությամբ «սուպերվարչապետական» համակարգ է ստեղծվում:
«Նման հասկացություն անգամ աշխարհում չկա: Կա խորհրդարանական համակարգ, ըստ որի՝ երկրի «առաջին ջութակը» վարչապետն է: Չկա մի խորհրդարանական համակարգով երկիր, որտեղ գլխավոր դերը վարչապետինը չէ»,-վստահեցրեց Շարմազանովը:
Խոսելով այն մասին, թե ինչու պետք է վարչապետն իրեն ենթարկի ոստիկանությանը կամ ԱԱԾ-ին, ԱԺ փոխխոսնակը նկատեց. «Բա ո՞ւմ ենթարկվեն: Դրանով բարձրացնում ենք այդ կառույցների քաղաքական պատասխանատվության մակարդակը վարչապետի առաջ: Ասել, որ ԱԱԾ-ն կամ ոստիկանությունը չպետք է ենթարկվեն վարչապետին, այլ 18 նախարարություններին, կներեք, արդյունավետ չէ»:
Լուիզա ՍՈՒՔԻԱՍՅԱՆ
