Ֆեյսբուք սոցիալական ցանցում հաճախ տարածում են գտնում այնպիսի թեստ-խաղեր, որոնք անցնելու համար պահանջվում է մուտք գործել համակարգ Ֆեյսբուքի էջով։ Այսպիսով` դուք տվյալ հարթակին թույլտվություն եք տալիս վերցնել ձեր էջից որոշակի տեղեկություններ։
Մասնավորապես նկարում պատկերված թեստն առաջարկում է տեսնել, թե ինչ տեսք կունենա ձեր նկարը «գլամուր ամսագրի շապիկին», ինչը տեսնելու համար դուք պետք է թույլտվություն տաք տվյալ հարթակին ստանալ ձեր էջից հետևյալ տեղեկությունները. լուսանկարները, հանրային (public) գրառումները, տարիքը, սեռը, ընկերների ցանկը, լեզուն, երկիրը ու այլ հանրային տեղեկություններ։
Կարծում ենք՝ թեստն անցնելուց առաջ պետք է մտածել արժի՞ արդյոք նման րոպեական զվարճության համար զոհել այդքան անձնական տեղեկություններ։
Հավելյալ տեղեկությունների համար առաջարկում ենք կարդալ Գործակալության կազմած ուղեցույցները սոցիալական ցանցերից ապահով օգտվելու համար:
Անձնական տվյալների պաշտպանության գործակալություն
