ԱԺ ՀՀԿ խմբակցության նորընտիր պատգամավոր Տաճատ Վարդապետյանը նախագահ Սերժ Սարգսյանին համարում է անթերի ղեկավար: Հիշեցնենք, Տաճատ Վարդապետյանը նախորդ գումարման խորհրդարանում ներկայացված էր: Այժմ նա համալրեց ՀՀԿ խմբակցության շարքերը`Հրայր Թովմասյանի`ՍԴ անդամ ընտրվելուց հետո:
Խորհրդարանում լրագրողների հետ զրույցում Տաճատ Վարդապետյանը Սերժ Սարգսյանին անփոխարինելի չանվանեց, ինչպես շատ ՀՀԿ-ականներ: Ասաց`ինքն իր բնութագրումն ունի. «Սերժ Սարգսյանն անթերի ղեկավար է»:
Aravot.am-ը հետաքրքրվեց`անթերի ղեկավարի ղեկավարման օրոք ինչո՞ւ է սոցիալական լարվածությունն ու բեւեռացվածությունը մեծանում: Տաճատ Վարդապետյանը պատասխանեց`սոցիալական խնդիրներն ամեն տեղ էլ կան, առավել ևս Հայաստանում, որը փոքր ռեսուրսներով եւ սահմանափակ հնարավորություններով երկիր է:
Մանրամասները` տեսանյութում
Նելլի ԳՐԻԳՈՐՅԱՆ
