Լրագրողների հետ զրույցում այսօր ԵԿՄ նախագահ, գեներալ Մանվել Գրիգորյանն ուղղեց իր խոսքն այն մասին, որ Սերժ Սարգսյանն անփոխարինելի է եւ հստակեցրեց՝ նկատի ունի այն, որ Սերժ Սարգսյանն անփոխարինելի է իր փորձով ու վաստակով: «Իսկ Կարեն Կարապետյա՞նը»,-վարչապետի մասին հարցրին լրագրողները: «Կարեն Կարապետյանն ո՞վ է, նա ի՞նչ գիտի Արցախից ու պատերազմից: Լավ վարչապետ է»,-նետեց Մանվել Գրիգորյանը: Ապա վստահեցրեց՝ ինքն անձամբ Սերժ Սարգսյանից բացի, չի ճանաչում մի անձի, որը կկարողանար բանակցել Ադրբեջանի հետ:
«Գուցե հետագայում Կարեն Կարապետյանը Սերժ Սարգսյանից էլ, Վազգեն Սարգսյանից էլ լավ իմանա, բայց այս պահին անուն տվեք…ես չեմ տեսնում»,-նշեց Մանվել Գրիգորյանը:
Դառնալով վարչապետի պաշտոնին՝ նա ասաց. «Այսօր Կարեն Կարապետյանն է, վաղը ցանկացած մեկը կարող է լինել»:
Լուիզա ՍՈՒՔԻԱՍՅԱՆ
Կրկէսը սկսուել է: Կարկառուն հանրապետականները ամենայն քծնանքով ու շողոքորթութեամբ առաջնորդի գովքը պիտի երգեն 🙂 Շատ մի տանջուէք. բոլորին էլ պարզ է, որ նա՛ է լինելու վարչապետը եւ կարծես ժողովրդի շարքերում ընդդիմացող չկայ: “L’état, C’est Moi” !
Իսկ առաջնային փաստարկը նրա «անփոխարինելիութեան» առասպել է:
Բայց վա՛յ այն պետութեանը, որտեղ առաջնորդն անփոխարինելի է: Դա նշանակում է ձախողուած պետութիւն (failed country):
Տեսանիւթը բաց էի թողել: Ասում է. «Սկսեցիք հաւայի խօսալ: Դաւայ»:
Սիրելի լրագրողներ, «դաւայ» նշանակում է «աչքիցս կորէք»: