Իրավապահներից տեղեկացանք, որ ներկայումս ՀՀ քննչական կոմիտեի Տավուշի մարզային քննչական վարչությունում քրեական գործ է քննվում, որն առնչվում է Դիլիջանի պետական քոլեջին: Քրեական գործը հարուցված է ՀՀ քրեական օրենսգրքի 314 հոդվածի 1-ին մասով («Պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով`պաշտոնական փաստաթղթերում ակնհայտ կեղծ տեղեկություններ կամ գրառումներ մտցնելը, կեղծում, քերվածք կամ այլ թվական գրառումներ կամ փոփոխություններ կատարելը, ինչպես նաեւ կեղծ փաստաթղթեր կազմելը կամ հանձնելը»):
Հայտնել ենք, որ Տավուշի մարզի առաջին ատյանի դատարանում շարունակվում է Դիլիջանի պետական քոլեջի նախկին տնօրեն Գրետա Թամրազյանի դատավարությունը, որը մեղադրվում է ուսանողների թոշակների գումարները յուրացնելու մեջ:
Ոսկան ՍԱՐԳՍՅԱՆ
Դիլիջանի պետական քոլեջի լուսանկարը՝ քոլեջի ֆեյսբուքյան էջից
