Երրորդ երեխայի ծննդյան դեպքում 2014 թվականից սկսած վճարվում է 1 մլն դրամ և այս նպաստի չափում կամ վճարման կարգում որևէ փոփոխություն չի եղել:
Ինչ վերաբերում է պետական աջակցության հաշվին փոխանցելու միջոցով վճարվող ընտանեկան դրամագլխի միջոցներից ամսական 25000-ական դրամ բանկային փոխանցումներ կատարելուն, ապա ներկայումս շրջանառվում է ՀՀ կառավարության որոշման նախագիծը, որի ընդունման դեպքում 2018 թվականի համար վճարումները կսկսվեն սահմանված կարգով:
Նշեմ նաև, որ 2017թ. համար ընդունված որոշումը գործել է մինչև 2017թ. դեկտեմբերի 31-ը, այսինքն` յուրաքանչյուր տարվա համար ընդունվում է առանձին որոշում:
Անուշ ԴԱՆԻԵԼՅԱՆ
ՀՀ աշխատանքի և սոցիալական հարցերի նախարարի մամուլի խոսնակ
Լուսանկարը՝ Հայկ ԲԱՂԴԱՍԱՐՅԱՆԻ
