Բաքվի Հանրապետական նարկոլոգիական դիսպանսերում տեղի ունեցած հրդեհի հետևանքով զոհվել է առնվազն 25 մարդ: Այս մասին հաղորդում է ԱՊԱ-ն՝ վկայակոչելով Դատաբժշկական փորձաքննության և պաթոլոգիական անատոմիայի միավորման տվյալները:
Գործակալության տվյալներով՝ 4 մարդ տեղափոխվել է հիվանդանոց, նրանցից երեքը գտնվում են տոքսիկոլոգիական բաժանմունքում:
Հաղորդվում է, որ հրդեհը բռնկվել է Հանրապետական նարկոլոգիական դիսպանսերի մասնաբաժիններից մեկում տեղի ժամանակով 06:00-ի սահմաններում: Ըստ նախնական տվյալների՝ այրվող շենքում եղել են անկողնային հիվանդներ, որոնք չէին կարող լքել շենքը:
Պատրաստեց՝ Վիկտորյա ԱՆԴՐԵԱՍՅԱՆԸ
