Բախտերնիս բերաւ, որ Թուրքիոյ կառավարութիւնը Հայ-թրքական արձանագրութիւններուն իր համաձայնութիւնը պայմանաւորեց Արցախեան հարցին վերաբերեալ իր անհեթեթ պահանջներով:
Բախտաւոր եղանք, որ թրքական կառավարութիւնը այնքա՛ն ինքնավստահ էր, որ թոյլ չտուաւ ինքն իրեն շահիլ այդ արձանագրութիւններուն միջոցաւ իրեն ընձեռուած պարգեւէն՝ Հայ Դատէն հրաժարելու հայկական պետական յանձնառութենէն, եւ յամառեցաւ իր նախապայմաններուն վրայ: Այո՛, Թուրքիոյ ուժը զինք լկտիօրէն գերվստահ կը դարձնէ, թէ Հայաստանն ու հայ ժողովուրդը երբե՛ք պիտի չկարենան այնքան զօրանալ, որ յանդգնին պահանջատիրական ազդու քայլերու դիմելու: Ուրեմն, ինչո՞ւ չփորձել առաւելագոյնս օգտուիլ անփորձ ու ձախաւեր քաղաքական քայլէ մը…
Բախտաւո՛ր եղանք եւ պէտք է փառք տանք նախախնամութեան, որ վերջին ինը տարիներուն թուրք իշխանաւորները չանդրադարձան իրենց սխալին ու պայմանները զանցելով՝ չվերադարձան արձանագրութիւններու ստորագրումի գործընթացին:
ԱԲՕ ՊՈՂԻԿԵԱՆ
Նյութի մանրամասները կարդացեք «Ասպարեզ»–ի կայքում
