«Վերջ, Թուրքիան կործանվեց». Լևոն Զուրաբյանը՝ հայ-թուրքական արձանագրությունները չեղարկելու մասին

«Այս ի՜նչ լավ լուր ասացիք»,- այսպիսին էր ՀԱԿ փոխնախագահ Լևոն Զուրաբյանի արձագանքը, երբ նրան հայտնեցինք, որ քիչ առաջ ՀՀ նախագահի նստավայրում կայացած Ազգային անվտանգության խորհրդի նիստում ՀՀ նախագահ Սերժ Սարգսյանը հայտարարեց հայ-թուրքական արձանագրությունները չեղարկելու մասին:

Հիշեցնելով, որ ՀԱԿ-ը միշտ եղել է հաշտեցման կողմնակիցը, 2017-ի խորհրդարանական ընտրությունների ժամանակ ՀԺԿ-ՀԱԿ դաշինքը խաղաղության ծրագիր էր առաջ քաշել, պարոն Զուրաբյանից հետաքրքրվեցինք՝ արձանագրությունները չեղարկելուց հետո ինչպե՞ս է պատկերացնում Թուրքիայի հետ հաշտեցման գործընթացը, պարոն Զուրաբյանը հեգնեց. «Էլ ի՞նչ պատկերացնեմ, վերջ, Թուրքիան կործանվեց, դրանից հետո էլ ի՞նչ հայ-թուրքական հարաբերություններ»:

Երբ պարոն Զուրաբյանին խնդրեցինք փոքր-ինչ ընդլայնել ասելիքը, ՀԱԿ փոխնախագահը եզրափակեց. «Ես Ձեզ վստահեցնում եմ, որ կատարվածն այլ արձագանքի արժանի չէ»:

Տաթև ՀԱՐՈՒԹՅՈՒՆՅԱՆ