«Եթե հայ-թուրքական արձանագրությունները, որպես փաստաթուղթ պետք է մնան եւ որեւէ ազդեցություն չեն ունենալու, Թուրքիան չի արձագանքում, բնականաբար, այն, ինչ հայտարարել է նախագահը, դրա արդյունքները կտեսնեք ապագայում»,- խորհրդարանում լրագրողների հետ զրույցում ասաց ՀՀԿ խմբակցության քարտուղար Վահրամ Բաղդասարյանը`պատասխանելով հարցին`արդեն մտել ենք 2017-ի գարուն, սակայն հայ-թուրքական արձանագրությունները առ ոչինչ չեն հայտարարվել:
Հիշեցնենք, արձանագրությունները առ ոչինչ հայտարարելու մասին խոսեց ՀՀ նախագահ Սերժ Սարգսյանը` ՄԱԿ-ի Գլխավոր ասամբլեայի 72-րդ նստաշրջանում:
Վահրամ Բաղդասարյանը հիշեցնում է`մեր կողմից որեւէ պարտավորություն չի դրժվել, Թուրքիան է խուսափել պարտավորությունները կատարելուց եւ նախապայմաններ դրել. «Մենք նախապայմաններով որեւէ համաձայնագիր չենք ստորագրում»։
Արձանագրությունները առ ոչինչ հայտարարելու ժամկետներ Վահրամ Բաղդասարյանը հստակ չնշեց:
Այլ մանրամասները`տեսանյութում
Նելլի ԳՐԻԳՈՐՅԱՆ
