ԱՄՆ-ը կոչ է արել Թուրքիային հրաժարվել Ռուսաստանից C-400 զենիթահրթիռային համալիրներ գնելու մտադրությունից, հակառակ դեպքում ԱՄՆ-ի դեմ կարող են պատժամիջոցներ կիրառվել: Այս մասին գրում է Lenta.ru-ն:
Haberturk թերթի վաշինգտոնյան աղբյուրը պատմել է, որ ԱՄՆ-ը մտահոգություն է հայտնել ստեղծված իրավիճակի կապակցությամբ՝ ենթադրելով, որ C-400-ների գնումը «կարող է բացասաբար անդրադառնալ ՆԱՏՕ-ի հետ օպերատիվ համատեղելիության վրա»: Չի բացառվում, որ Անկարայի դեմ կարող են սահմանվել սահմանափակող միջոցներ:
Ընդ որում, ամերիկացի պաշտոնյան նշել է, որ ԱՄՆ-ը ցանկանում է օգնել Թուրքիային «գտնել լավագույն այլընտրանք՝ հակաօդային պաշտպանության պահանջները բավարարելու համար»:
Ավելի վաղ Թուրքիայի արտգործնախարար Մևլութ Չավուշօղլուն հայտարարել էր, որ Անկարայի դեմ սպառնալիքներն անընդունելի են, և նշել էր, որ սկզբնապես Անկարան նախատեսում էր ՀՕՊ համալիրներ գնել ՆԱՏՕ-ի դաշնակիցներից, սակայն «նրանց մոտ մշտապես ինչ-որ խնդիրներ կան»: Հետևաբար Թուրքիան բանակցություններ է սկսել Ռուսաստանի հետ և 2017թ. դեկտեմբերին պայմանագիր ստորագրել C-400-ների մատակարարումների վերաբերյալ:
Պատրաստեց Վիկտորյա ԱՆԴՐԵԱՍՅԱՆԸ
