Այսօր ժամը 19:30-ի սահմաններում կրծքավանդակի ձախ կեսի ծակած, ոչ թափանցող վերքով Գյումրու բժշկական կենտրոն է տեղափոխվել 1995 թվականին ծնված Կ․ Ք.-ն։ Այս մասին մենք տեղեկացանք Գյումրի բժշկական կենտրոնի փոխտնօրեն Արմեն Խաչատրյանից։
Ըստ փոխտնօրենի, կատարվել է վերքի զննում, առաջնային վիրաբուժական մշակում, նրա առողջական վիճակը գնահատվում է միջին ծանրության։ Թե ո՞վ է դանակահարել երիտասարդին ու ո՞րն է եղել պատճառը, հանցագործության բացահայտմամբ զբաղված է ոստիկանության «Մուշ» բաժինը։
Մեր տեղեկություններով, դեպքը տեղի է ունեցել Գյումրու Տիմիրյազև փողոցում, թեև երիտասարդը բժիշկներին հայտնել է, թե վայր է ընկել ու վերքեր ստացել։
Նունե ԱՐԵՎՇԱՏՅԱՆ
