Փետրվարի 25-ին Երևանում կայացած Եվրոպայի 2021 թվականի բասկետբոլի առաջնության նախընտրական փուլի Հայաստան-Ալբանիա խաղն ավարտվեց հօգուտ մեր տղաների: Բասկետբոլի Հայաստանի Հանրապետության հավաքականը 84։65 հաշվով հաղթեց Ալբանիայի ընտրանուն։
Սա շատ կարևոր հաղթանակ էր բասկետբոլի ազգային հավաքականի համար։ Այս խաղից հետո Հայաստանի հավաքականը դարձավ խմբի առաջատար։
Հանդիպման ամենաարդյունավետ խաղացող ճանաչվեց Ալլան Հեսը։ Նա վաստակեց 21 միավոր։
Նախընտրական փուլի վերջին խաղը Հայաստանի հավաքականը կանցկացնի հունիսի 28-ին՝ ուժերը չափելով Դանիայի հավաքականի հետ։
ՀՀ սպորտի և երիտասարդության հարցերի նախարարություն
