Թուրքիայի ԱԳՆ-ն Նիդերլանդներից հետ է կանչել իր ժամանակավոր հավատարմատարին այն բանից հետո, երբ այդ երկրի խորհրդարանը Ստորին պալատն ընդունել է Հայոց ցեղասպանությունը ճանաչող բանաձև: Այս մասին գրում է «ՌԻԱ Նովոստին»:
Այսօր ավելի վաղ Նիդերլանդների ընդունած բանաձևը դատապարտող հայտարարություն էր տարածել Թուրքիայի ԱԳՆ-ն:
Հիշեցնենք, վերջին շրջանում խիստ սրված են Թուրքիայի և Նիդերլանդների հարաբերությունները, որի հետևանքով փետրվարի սկզբին Նիդերլանդները պաշտոնապես հետ կանչեց իր դեսպանին Անկարայից:
Երկու երկրների միջև դիվանագիտական լարվածությունն առաջացել է այն բանից հետո, երբ Նիդեռլանդները հրաժարվեց վիզա տրամադրել թուրք պաշտոնյաներին, որոնք ցանկանում էին իրենց տարածքում ապրող թուրքերի շրջանում քարոզչություն իրականացնել հօգուտ Թուրքիայում 2017թ. մարտին անցկացվող սահմանադրական բարեփոխումների:
Պատրաստեց՝ Վիկտորյա ԱՆԴՐԵԱՍՅԱՆԸ
